Лажен лекар од германскиот град Лајпциг лекувал повеќе од 200 пациенти. Како што пренесуваат германските медиуми, стотици пациенти кои ја посетиле ординацијата на „Др. Саше Роберт“ беа измамени. Човекот изградил лекарска ординација со медицинска опрема, па дури и итна служба.
Државното обвинителство поднесе обвинителен акт против 35-годишникот за измама, телесна повреда и злоупотреба на имот.
Самопрогласениот лекар работел од јули 2020 година до средината на февруари 2021 година, иако немал ниту завршено медицина, ниту докторат, ниту лиценца за вршење на медицина.
Под стручно звање „доктор“ наводно издавал бројни уверенија за неспособност за работа (болест) и рецепти на пациенти, во некои случаи директно предавал лекови и давал третман“, објасни државниот обвинител Кристин Шуман.
Според германските медиуми, д-р Саша Роберт исто така давал инјекции и вршел посети дома. По дојава, полицијата конечно ја пребарала просторијата за консултации на Диескаустрасе во Лајпциг во октомври 2021 година.
Ординацијата изгледаше реално и беше целосно опремена – вклучувајќи маса за консултации, кревети, опрема за третман. Но, овој измамник не платил ништо од тоа, во обвинението се товари дека измамил добавувачи и даватели на услуги од 27 фирми за 77.000 евра.
Полицијата бараше пациенти со повикување сведоци: повеќе од 200 од нив излегоа пред да биде поднесено обвинението. Не може да се исклучи дека лажниот лекар лекувал многу повеќе луѓе, пренесува списанието Fenix.
Се вели дека лажниот лекар продолжил да ги „лекува“ пациентите преку Интернет кога неговата ординација била затворена. Во меѓувреме, доктор Роберт завршил во затвор поради претходна пресуда за измама, јавуваат германските медиуми.
