Да се работи од дома или не – ова е дебата што се води во германското општество веќе две години откако стивна пандемијата на корона вирусот. Многу компании не планираат да ги отстранат „домашните канцеларии“.
Во 82 отсто од компаниите во информатичката индустрија, вработените работат од дома најмалку еднаш неделно, покажува истражувањето на институтот за економски истражувања ZEW, достапно на агенцијата ДПА. Во производниот сектор учеството е 48 отсто.
Бројот на компании кои им дозволуваат на вработените да работат од дома барем еден ден во неделата е постојано висок од пандемијата и во моментов нема знаци на промена, рече водачот на истражувањето.
Во претходните месеци, компаниите во Германија – како, на пример, софтверската фирма SAP или Deutsche Bank – дебатираа за враќање во канцелариите.
Министерот за труд Хубертус Хејл го поддржа правото на работа од дома. Коалициониот договор на владејачките партии од 2021 година предвидува вработените – во зависност од нивната професија – да добијат право на „домашна канцеларија“.
„Во следните две години, фирмите не очекуваат да ја намалат понудата на работни места со најмалку еден ден работа од дома неделно“, рече Ердсиек.
Сосема спротивно – се очекува дека процентот на компании подготвени да понудат таква работа во 2026 година ќе продолжи да расте – до 88 проценти во ИТ секторот и 57 проценти во производството. Компаниите исто така очекуваат повеќе вработени да ги искористат предностите на ваквите понуди.
