Со посебниот сообраќаен режим ќе бидат опфатени улиците на поширокото централно подрачје на градот
Во делови од Скопје денеска ќе има посебен сообраќаен режим, информираат од Секторот за внатрешни работи (СВР) Скопје.
Со посебниот сообраќаен режим ќе бидат опфатени улиците на поширокото централно подрачје на градот, а полициски екипи од Единицата за безбедност на патниот сообраќај ќе го регулираат сообраќајот.
СВР Скопје упатува апел до граѓаните да ги почитуваат наредбите што ги издаваат полициските службеници.
Посебниот сообраќаен режим е поради официјалната посета на претседателот на Владата на Република Србија, Милош Вучевиќ.
Пречекот на Вучевиќ во Владата е во 10 часот.
