Конечно јапонските работодавачи одлучија спиењето на работното место да стане дел од работните обврски на секој вработен.
Сепак, тоа не значи дека вработените ќе може да спијат на работното место, туку ќе добијат соба за спиење.
Одлуката е донесена откако најновото истражување покажало дека поспаноста на вработените влијае врз нивната ефикасност, поради што јапонските компании годишно губат дури 138 милијарди долари.
Поради тоа предлогот на работодавачите и јапонското Министерство за здравство е вработените да имаат барем 30 минути за спиење.
Предлогот е прифатен од јапонската ИТ компанија „Нексбит“ (Nextbeat) која обезбеди две „стратешки спални соби“, кои се опремени со апарати за блокирање на бучава, кревети и софи, додека мобилните телефони, таблетите и лаптопи се најстрого забранети.
