Според анкета на Евростат во 2024 година, мнозинството жители на ЕУ не работеле (22,4%) или престанале да работат (64,7%) во првите шест месеци по добивањето старосна пензија. Само 13% продолжиле да работат, од кои половина задржале исто работно место, а останатите промениле работни услови, како намалување на часови или промена на работа.
Најголем процент на пензионери кои продолжиле да работат е забележан во Естонија (54,9%), Латвија (44,2%) и Литванија (43,7%), додека најмал е во Романија (1,7%), Грција (4,2%) и Шпанија (4,9%). Причините за продолжување на работата вклучуваат уживање во работата, финансиска потреба и одржување на социјална интеграција.
Во Данска, Холандија и Италија, повеќето работат од задоволство, додека финансиската неопходност е главен фактор во Кипар, Романија и Бугарија. Разликите се должат на пензиските системи, кои се поиздашни во западните земји како Холандија, отколку во јужна и источна Европа.
Целата статија прочитајте ја на: pari.com.mk
