Во близина на Загреб започна изградбата на првиот производствен погон за автономни автомобили во Хрватска и регионот. Во оваа фабрика ќе се произведува Vern, автономно електрично роботакси, именувано по познатиот француски писател Жил Верн.
Мате Римац, основач и извршен директор на Rimac Automobili и Rimac Grupa, го претстави Vern во јули минатата година. Градежните работи треба да завршат до крајот на оваа година, а стартот на производството е планиран за 2026 година.
Автономни возила – иднината на мобилноста
Автономните возила се возила што можат да се движат без возач, користејќи напредни сензори, вештачка интелигенција и различни технологии за навигација. Тие ги препознаваат пречките, сообраќајните знаци, пешаците и другите возила, реагирајќи во реално време без човечка интервенција.
Според компанијата Vern, новиот погон од 28.500 квадратни метри, кој се гради во рамки на VGP Park Zagreb, се одвива според планот. Проектот е резултат на партнерство меѓу Vern, специјализирана хрватска компанија за автономна урбана мобилност, и VGP, паневропски лидер во логистички и полуиндустриски недвижности.
Производство во Хрватска, пласман на светскиот пазар
Генералниот директор и коосновач на Vern, Марко Пејковиќ, изјави дека овој производствен комплекс е клучен чекор за развојот на компанијата и значаен напредок за автомобилската индустрија во Хрватска.
400 нови работни места
Финансирање со приватен капитал, без ЕУ-фондови
Производствен комплекс со BREEAM Excellent сертификат
Кога фабриката ќе започне со работа, се очекува отворање на до 400 нови работни места. Минатата година, Мате Римац најави дека Vern ќе започне да вози по Загреб во 2026 година.
Извор: eupravozato.mondo.rs
