Медицинските сестри кои се одлучуваат да работат во странство често бараат не само повисока плата, туку и подобри услови за работа. Според податоците на Нурс.орг, Швајцарија се истакнува како најдобра земја за медицински сестри.
И покрај значителниот недостиг на медицински сестри, услов за вработување во оваа земја е познавање на еден од трите национални јазици (италијански, француски или германски), без исклучоци. Процесот на аплицирање може да потрае неколку месеци, но со плата од околу 102 илјади евра годишно, вреди да се вложи напор.
Што се однесува до други земји, Луксембург нуди плата од околу 95 илјади евра, но поради специфичните закони и мала големина на земјата, вработувањето на медицински сестри е предизвик. Данска, иако со пониска плата од 85 илјади евра, има свои ограничувања за постарите работници, па на пример, медицински сестри над 75 години не можат да работат.
За оние кои се во потрага по релаксирана островска атмосфера, но сè уште сакаат висока плата, Девствените острови се идеално место, со плата од околу 81 илјади евра. Австралија и Норвешка исто така се меѓу атрактивните дестинации, нудејќи плати од околу 74 илјади евра и 70,5 илјади евра годишно, со високи стандарди на живот и поволни работни услови.
Сите овие земји нудат значителни бенефиции за медицинските сестри, но важно е да се напомене дека секоја од нив има свои специфични барања и услови за работа.
Извор: racin.mk
