Прилепската компанија NEW AGE покажа дека е општествено одговорна компанија во овие тешки моменти и одлучи да донира антибактериски перници и постелнини во инфективните одделенија во Скопје и Прилеп.
Објавата на нивниот фејсбук профил гласеше:
Почитувани, ова е време кога е потребна солидарност и поддршка
Во борбата против вирусот “КОВИД-19“ не можеме да се бориме како индивидуи, туку, заедно како општевство.
“New Age“ како општествено одговорна компанија одлучи да донира антибактериски перници и постелнини во инфеквитните одделенија во:
- Општа Болница Борка Талески - Прилеп
- Клинички Центар - Скопје
Нашата цел е да помогнеме на вистинските херои во моментов (медицинските лица) да имаат подобар и поквалитетен одмор, а пациентите побрзо и посигурно закрепнување.
Вистинско време е за вистинскиот “ПРЕДИЗВИК“!
Се надеваме дека ќе успееме да мотивираме и останати компании да се приклучат на оваа иницијатива. Малите со мала, големите со голема помош, за на крај сите како победници да излеземе од оваа ситуација.
Дотогаш #седетедома, поминувајте прекрасни моменти со вашето семејство и верувајте дека ќе дојде многу подобро време за брзо.
Со љубов и почит Ваш “New Age“
