По 3 дена стаж за секој работен ден ќе добијат медицинските работници во Русија

Секој одработен ден со пациенти заразени со коронавирус кои се сместени во болничките установи, амбулантите и брзата помош, на медицинските работници во Русија ќе им се смета како три дена стаж.

Тоа го најави прес-службата на руското Министерство за труд посочувајќи дека на медицинскиот техничар за брза помош кој два месеци работел со инфицирани лица ќе му се бројат 6 месеци работен стаж.

Работодавците ќе треба да обезбедат информации до пензискиот фонд за медицинските работници кои им даваат медицинска нега на пациенти за кои постои сомнеж дека имаат коронавирус или се веќе потврдени случаи.

Од Министерството за труд потсетија и дека предвремена пензија следува за 25 години медицинско искуство во рурална област, односно за 30 годишно искуство во град.

Претходно беше објавено дека повеќе од 153.000 медицински работници во внатрешноста на земјата - лекари, персонал за поддршка, возачи на брза помош и соработници на сојузни институции - добиле стимулативни уплати за април за да работат со пациенти заразени со коронавирус.

Актуелно

Просечната нето плата во Загреб е 1.513 евра
Просечната месечна исплатена нето-плата по вработен кај правните лица во градот Загреб за август годинава изнесува 1.513 евра, што е номинално за 0,5 отсто повеќе во однос на јули и за 13,3 отсто повеќе во однос на август лани.
Ако вашата лозинка е на оваа листа, сменете ја веднаш
„Норд пас“ ја објави својата годишна листа на најпопуларни лозинки во светот, па и годинава лозинката 123456 се наоѓа на врвот на неславната листа на најнекреативни лозинки како најкористена лозинка.
Декември е далеку, ама на фирмите им се брза – фрчат резервации за предновогодишни забави
Со приближувањето на крајот на годината, атмосферата во корпоративниот свет станува сè повесела и поопуштена, додека многу компании започнуваат подготовки за традиционалните предновогодишни забави. Овие настани не се само можност за одбележување на деловниот успех, туку и можност да се наградат вработените за нивната посветеност и ангажираност во текот на целата година.
Компаниите освен сметководител и адвокат ќе мора да ангажираат ИТ- професионалци за да напредуваат
Секоја компанија ќе мора да ангажира ИТ-професионалци или компанија за да може да се носи со предизвиците на новото време. И од бизнис-секторот се согласуваат дека дигитализацијата е клучна за подобрување на нивното работење, односно зголемување на ефикасноста, продуктивноста, конкурентноста и зголемување на можностите за извоз.
Цените на становите пораснаа, а кириите се за жалење
Во услови на економска неизвесност и инфлација, многу граѓани од Балканот се решаваат своите заштеди да ги инвестираат во недвижен имот, бидејќи го сметаат за најсигурна форма на инвестиција. Вложувањето во станови, куќи и деловен простор е тренд кој постојано расте, а со него растат и цените на недвижнините, што е очигледно во речиси сите големи градови.
Македонија изгубила голем дел од домашното производство на храна – се сади се помалку и помалку
Производството на пченица во Македонија е десеткувано, особено ако се погледнат бројките од пред 20 или 30 години. Состојбите не се подобри нуту кај производството на другите земјоделски култури, како сончогледот, тутунот, грозјето...