Vrabotuvanje.com - Менувањето на сказалките оди во историја?
Сподели
Tweet
Сподели
Испрати на пријател

Менувањето на сказалките оди во историја?

Европската Комисија објави јавен прашалник во рамки на консултациите за укинување на сезонското сметање на времето.

Менувањето на сказалките оди во историја?

Консултацијата доаѓа по резолуција на Европскиот Парламент изгласана во февруари годинава во која европратениците побараа од Европската Комисија да направи нова проценка за менувањето на времето во зима и во лето.

Сезонските пресметувања на времето беа воведени во 70-тите години за да се намали трошењето на енергетските ресурси. Но, оттогаш, повеќе студии покажале дека ова пракса има негативни ефекти врз здравјето на човекот, пореметување на сонот, како и зголемен број на сообраќајни несреќи.

Според пратениците кои се изјаснија за укинувањето на промените во пресметувањето ефектот врз енергетската заштеда е „минимален“. Но, повеќе министерства во земјите членки на ЕУ утврдиле дека сезонското пресметување сепак носи значајна енергетската заштеда и со тоа намалување емисиите на ЦО2.

Консултацијата на Европската Комисија трае до 16 август и е достапна на веб-сајтот на институцијата.

Зависно од резултатите, ЕК ќе препорача зачувување на сезонското пресметување или негово целосно укинување во цела Европска Унија, порача портпарол на ЕК.

 

Vrabotuvanje.com.mk користи колачиња (анг. cookies) за да ви овозможи подобро корисничко искуство. Повеќе информации можете да прочитате овде