Vrabotuvanje.com - Температурите од минус 40 се вообичаени овде: Ова е најстудениот град на светот - жителите имаат трик за „преживување“
Сподели
Tweet
Сподели
Испрати на пријател

Температурите од минус 40 се вообичаени овде: Ова е најстудениот град на светот - жителите имаат трик за „преживување“

Температурите паднаа до минус 50 Целзиусови степени во сибирскиот Јакутск оваа недела, за време на невообичаено долгиот студен период во градот кој е познат како најстуден во светот.

Температурите од минус 40 се вообичаени овде: Ова е најстудениот град на светот - жителите имаат трик за „преживување“

Јакутск се наоѓа на околу 5.000 километри источно од Москва и не е невообичаено жителите на тој рударски град на термометарот да забележат температури под минус 40 Целзиусови степени.

„Не можеш да се бориш со таков студ. Или приспособете се и облечете се според времето или ќе настрадате“, вели Анастасија Груздева.

Анастасија става два шалови околу вратот, два пара ракавици на рацете и неколку капи на главата пред да излезе надвор.

„Во градот студот баш и не се чувствува во толкава мера. Или мозокот ти се подготвува за тоа“, вели таа за излегувањето во градот додека е обвиен со ледена магла.

Друг жител на Јакутск, Нургусун Старостина, кој продава замрзната риба на пазарот, без потреба од фрижидер или замрзнувач, вели дека нема посебни тајни за справување со студот.

„Треба само да се облекувате топло, слоевито, како зелка“.

Извор: tocka.com.mk

Vrabotuvanje.com.mk користи колачиња (анг. cookies) за да ви овозможи подобро корисничко искуство. Повеќе информации можете да прочитате овде