„YouTube“ е веројатно најпопуларната апликација за видео стриминг на „Android“, а сега има нова функција.
Имено, во неодамнешното ажурирање, пребарувањето содржини со помош на алатката „Google Lens“ дојде на „YouTube“ за „Android“.
Ако ја имате најновата верзија на „YouTube“, можете да ја најдете иконата „леќа“ на страницата за пребарување, но имајте на ум дека ажурирањето сè уште се појавува во фази, па можеби сè уште не стигнало до вас.
Затоа, изберете ја иконата до микрофонот и ќе ја отворите функцијата за пребарување на „Google Lens“. Го има истиот интерфејс како и оригиналната верзија и користи повеќе алгоритми за наоѓање информации од слики и придружни текстови.
На пример, ако користите „Lens“ за да фотографирате објект, како што е тастатура, тоа ќе активира пребарување за зборот „тастатура“ во апликацијата „YouTube“. Има и опција за пребарување на она што сте го фотографирале на „Google“.
Во основа, „Google Lens“ го прави она што секогаш го прави, само сега можете да пристапите директно од апликацијата „YouTube“.
