Во сабота, времето во Македонија ќе биде променливо облачно, со услови за слаб локален дожд. Ќе дува слаб до умерен, а наместа долж Повардарието повремено засилен ветер од југоисточен правец, според УХМР.
Минималните температури ќе се движат во интервалот од 3 до 13 степени Целзиусови, додека максималните температури ќе достигнат од 14 до 20 степени.
Во Скопје променливо облачно со слаб до умерен ветер од југоисточен правец. Минималната температура ќе се спушти до 9, а максималната ќе достигне до 19 степени.
Во недела, времето ќе остане променливо облачно, со повремени сончеви периоди и слаб до умерен ветер од југоисток. Потоа во текот на следната работна седмица ќе преовладува стабилно и тивко време со ниски утрински температури кои наместа ќе се спуштаат под нула. По одделни котлини ќе има услови за појава на утринска магла.
