УХМР со најнова прогноза: Предупредување за магла, дожд и снег на планините

Според актуелното предупредување од УХМР, денес се очекува повремена магла и ниска облачност по котлините, како и повремени врнежи од дожд низ целата држава.

„Во текот на денот и ноќните часови, врнежите ќе бидат интензивни, со поројни и пообилни дождови на некои места (над 35 l/m2). На планините ќе има снег, што ќе доведе до формирање на снежна покривка. На повисоките и во некои пониски места ќе има мешавина од дожд и снег“, информираат од Управата за хидрометеоролошки работи.

Во Скопје се очекува претежно облачно време со врнежи од дожд, кои повремено ќе бидат пообилни. На околните планини се очекуваат врнежи од снег, максималната температура ќе достигне 9°C.

Граѓаните се советуваат на претпазливост, особено оние кои патуваат по планинските патишта, каде што се очекуваат зимски услови.

Извор: skopjeinfo.mk