Управата за хидрометеоролошки работи соопшти дека и денес ќе се задржи облачно време со повремени врнежи од дожд и снег, а наместа во западните и јужните делови пообилни со над 30 l/m.
На планините и на повисоките места, претежно во западните делови врнежите ќе бидат од снег и дополнително ќе се зголеми снежната покривка. Ќе дува умерен до засилен северен ветер. Потоа до средината на следната седмица времето ќе биде стабилно со појава на магла по одделни котлини.
Во Скопје облачно со врнежи од дожд, повремено пообилни, а во повисоките делови од котлината врнежите ќе бидат од дожд и снег. Ќе дува умерен, во делови од котлината повремено засилен ветер од северен правец.
Извор: kurir.mk
