Иако прогнозата на УХМР беше дека денес ќе времето ќе биде релативно топло за овој период од годината со сонце, тоа засега не можеме да го видиме. Скопје денес се гуши во смог и загаден воздух додека камерите на Водно регистрираат сонце и убаво време на врвот.
Според сервисот „IQAir“ Скопје утрово е шести најзагаден град во светот. Полошо рангирани со позагаден воздух се Ханој во Виетнам, Делхи во Индија, Дака во Бангладеш, Лахор и Карачи во Пакистан.
Истовремено, Македонија е на десеттото место по најзагаден воздух во светот. Позагадено е во само во Пакистан, Кина, Таџикистан, Турција, Индија, Уганда, Бангладеш, Конго, Камбоџа.
