Vrabotuvanje.com - На поранешната сопруга треба да и плати 180.000 долари затоа што 27 години чистела по дома
Сподели
Tweet
Сподели
Испрати на пријател

На поранешната сопруга треба да и плати 180.000 долари затоа што 27 години чистела по дома

Се работи за 70-годишна жена која дипломирала економија, но воопшто не работела бидејќи се посветила на децата и домот.

На поранешната сопруга треба да и плати 180.000 долари затоа што 27 години чистела по дома

Судот во Аргентина изрече пресуда според која сопружникот на својата поранешна сопруга треба да и исплати 8 милиони пезоси (скоро 180 илјади американски долари) во форма на отштета за извршување на сите домашни работи во текот на 27 години од нивниот брак.

Станува збор за 70-годишна жена која дипломирала економија, меѓутоа не се вработила поради тоа што целосно се посветила на грижа за децата и домот.

Економската зависност на жената од сопругот е еден од централните механизми со кои жените се држат на угнетена позиција во општеството, објасни судијката Викторија Фама.

Судијката смета дека казната е разумна и нејзината цел е да создаде економска рамнотежа помеѓу поранешните сопружници.

Инаку, тие живееле одделно од 2009, а се развеле во 2011 година.

Овој финансиски надомест е воведен во Граѓанското право на Аргентина во 2015 година и може да се исплати еднократно, како месечен приход или во форма на пренесување на сопственост на стоки.

Vrabotuvanje.com.mk користи колачиња (анг. cookies) за да ви овозможи подобро корисничко искуство. Повеќе информации можете да прочитате овде