Дали сонувате да живеете во луксузна италијанска вила заедно со вашиот партнер? Најдовме совршена понуда за вас!
Сопствениците на три вили во северна Италија бараат двојка која ќе го одржува нивниот имот и ќе помогне во секојдневните активности. Платата е околу 2.360 евра по човек, што значи дека парот што ќе ја добие работата ќе заработи вкупно 4.700 евра.
Обврските на парот се одржување на вилата и градината, чистење, подготовка на оброци по договор, набавка на намирници, грижа за две кучиња и резервирање на некои социјални настани за гостите на вилата, јавува Нова.
Идеалните кандидати мора да имаат најмалку тригодишно искуство во слична работа, да сакаат кучиња, дасакаат да живеат во Италија и да знаат или да сакаат да научат италијански.
Сместувањето е обезбедено и започнува наесен. Работата не е сезонска, туку постојана.
