Истражување: Секој петти работник ќе даде отказ до крајот на годината

Според најновото истражување на експертите се смета дека, секој петти вработен најверојатно ќе ја смени работата во следните 12 месеци.

Околу 35% од испитаниците планираат да побараат од своите работодавци повеќе пари во следните 12 месеци.

Притисокот за повисоки надоместоци е најголем во технолошкиот сектор, каде што 44 отсто од испитаниците кои работат во индустријата изјавиле дека планираат да бараат покачување, според PwC. Спротивно на тоа, само 25% во јавниот сектор изјавиле дека планираат да го сторат истото.

„Квалификуваните вработени најверојатно ќе бараат унапредување и зголемување на платите, но и нивниот менаџер да ги слуша, додека на оние кои ги немаат вештините им недостасува моќ на работното место“, пишува PwC.

Индустриите со најголем удел на испитаници кои сметаат дека нивните вештини се дефицитарни се здравството, технологијата, медиумите и телекомуникациите.

Парите се најголемиот мотив за промена на работните места, а сепак да се најде исполнување на работа е „подеднакво важно“.

Околу 71% од испитаниците во истражувањето рекле дека зголемувањето на платата ќе ги доведе до промена на работните места, но 69% рекле дека ќе го сменат и работодавецот за подобро чувство за исполнување на работата.

извор: biznisinfo.mk