Сончево, претежно тивко и релативно топло време, информираат од УХМР за последниот четврток во 2023 година. Претпладне по одделни котлини со појава на магла која во текот на денот ќе се намалува.
Минималната температура ќе движи од -4 до 4 степени над нулата, додека пак максималната температура ќе достигне 17 степени.
Во Скопје претпладне во делови од котлината со појава на магла. Преку денот сончево и тивко. Температурата ќе се искачи до 10 степени Целзиусови.
И во наредните денови, продолжува периодот на стабилно и релативно топло време. По котлините ќе има појава на магла со променлив интензитет и пониски дневни температури.
