На списокот се најдоа 2755 особи чие богатсво надминува милјарда долари, а повеќе од половина од светското богатсво се наоѓа во рацете на првите 20 луѓе на листата.
Прв пат меѓу милијардерите и Ким Кардашијан. На прво место на Forbs листата се наоѓа, четири години по ред, основачот на "Амазон" Џеф Безос, чие богатсво изнесува 177 милијарди долари, што е значајно повеќе во однос на минатогодишната листа. Тогаш Безос имаше 113 милијарди долари.
Второто место го зазема основачот на компанијата "Tesla" и "Space X" Илон Маск со 151 милјарда долари. Маск минатата година се наоѓаше на 31-то место, со 24,6 милијарди долари во неговата сопственост. Меѓу првите пет се наоѓа и директорот на компанијата "Louis Vuitton Moet Hennessy" Бернар Арно, основачот на "Microsoft" Бил Гејтс и основачот и директорот на "Facebook" Марк Цукерберг.
Ворен Бафет прв пат во последните 20 години се наоѓа на шестото место. На листата прв пат се наоѓаат нови 493 милијардери, а меѓу нив и америчката јавна личност Ким Кардашијан.
Од новата листа на Форбс произлегува податокот дека заедничкото богатство на првите 20 милијардери на листата изнесува 2.1 билион долари, што е еднакво на половина од вкупното светско богатство.
