Vrabotuvanje.com - Авицена ДОО
Сподели
Tweet
Сподели

Авицена ДОО

  • Адреса: ул. 1551 бр. 5Б, 1000 Скопје

 

​​

 ЗА НАС 


Уште од самото основање во 1991 година, наша основна и примарна дејност е промоција и продажба на висококвалитетни дијагностички тестови, реагенси, опрема и лабораториски потрошен материјал од областа на микробиологијата, трансфузиологијата, молекуларната дијагностика, имунологијата, клиничката хемија и сите други области на клиничката лабораториска медицина.

Долгогодишното искуство и постојаниот раст на полето на ин витро дијагностиката, ни овозможи имплементација на нови и современи дијагностички тестови по светски стандарди во многу лаборатории и здравствени институции во државава, секогаш држејќи чекор со новите достигнувања во медицината, а во пресрет на барањата и потребите на нашите клиенти.

Секогаш во чекор со новите достигнувања во медицината, а истовремено во пресрет на барањата на клиентите.

 КОМПАНИСКА КУЛТУРА 

  • ​Сатисфакција на високите барања на корисниците и исполнувања на барањата на пазарот.
  • Непрекинато подобрување на ефективноста на системот за управување со квалитет.
  • Опстојување во намерата за обезбедување реномирано место и присуство меѓу водечките компании на регионалниот пазар.
  • Континуирано подобрување на квалитетот на услугите и на производите со кои секојдневно работиме.
  • Постојано присуство кај корисниците со презентирање нови методи и техники на примена на производите од доменот на нашето работење.
  • Создавање и одржување синергетски односи на партнерство со добавувачите.
  • Поддршка и стимулација на креативноста на вработените, нивна иницијативност и одговорност кон квалитетот.

Високо ниво на професионализам, имплементација на нови иновативни ин витро дијагностички методи и маркетиншки решенија, синергетски однос со добавувачите и континуирана едукација на вработените како најважни услови за задоволство на крајните корисници и подобрување во целокупното деловно работење.

 ВРАБОТЕНИ 


Својата успешна работа Авицена дијагностика ја темели на својот менаџерски тим и на сите свои 40 квалификувани и обучени вработени, меѓу кои врвни биохемичари, биолози, земјоделски инженери, биохемиски инженери, лабораториски биоинженери, електроинженери, доктори по општа медицина, фармацевти и економисти.

Сите вработени се квалификувани и обучени за проблематиката и за програмата што ја работат, во матичните куќи на странските партнери со кои соработуваме.

Доколку сте заинтересирани да станете дел од успешниот тим на Авицена дијагностика и сте согласни вашите податоци да бидат зачувани во нашата база на потенцијални кандидати, испратете ја вашата професионална биографија на e-mail: kariera@avicena.com.mk со назнака „за надополнување база на податоци“.

Vrabotuvanje.com.mk користи колачиња (анг. cookies) за да ви овозможи подобро корисничко искуство. Повеќе информации можете да прочитате овде