Империал Тобако ТКС а.д. Скопје
Ви нуди вистински предизвик – да работите во компанија – лидер на пазарот
Империал Тобако ТКС а.д. Скопје е дел од Империал Тобако Групацијата (ИТГ), една од светските водечки мултинационални компании со продажба во над 160 земји во светот. Географската и оперативна разновидност обезбедува цврстина на бизнисот и платформа за понатамошен развој.
Бидете наш:
KООРДИНАТОР ЗА ЛОГИСТИКА
(определен период – 1 година)
Со:
- Висока стручна спрема (Економски факултет се смета за предност);
- Најмалку 3 години релевантно работно искуство во областа на логистика / набавки;
- Искуство во интернационална компанија и работење со производи за широка потрошувачка се смета за предност;
- Високо развиени комуникациски, преговарачки и организациски вештини, аналитички способности, тимски играч;
- Напредно познавање на деловен англиски јазик;
- Одлично познавање на компјутерски програми во MS Office;
- Познавање на SAP и QAD или на други комплексни компјутерски системи ќе се смета за предност.
Општи одговорности на работното место:
- Одговорен за организација и обезбедување на непречена логистика, испорака, прием и набавка на тутуни и други материјали за потребите на ИТ ТКС, во согласност со производниот план, компаниските процедури, ISO стандардите и законска регулатива, а во координација со претпоставениот, институциите на државата, царината и шпедитерите;
- Ги координира активностите во делот на ланецот на набавки;
- Организира и обезбедува непречена испорака на цигари за извозните пазари;
- Подготвува калкулации на трошоците за планираните набавки, врши нарачка на материјалите и спроведува контрола на финансиските документи за извршените нарачки;
- Учествува во подготовка на договори и протоколи со добавувачите и ја координира нивната имплементација;
- Комуникација и координација помеѓу фабриката и централниот тим задолжен за пакувачки материјали преку софтверски програм;
- Спроведува соодветна анализа, планирање и месечни ивештаи со цел да се овозможи непречена логистика, прием и набавка на материјалите;
- Спроведува други задачи во согласност со потребите на деловните процеси.
Кандидатите кои ги исполнуваат наведените квалификации
можат да испратат мотивациско писмо, биографија (CV) и фотографија
најдоцна до 5 август 2020 преку полето Брза Апликација.
Само апликантите кои ќе влезат во потесен круг на селекција, ќе бидат контактирани.
