Техничар во контрола на квалитет

​

Го осигурува квалитетот на производот од аналитички и микробиолошки аспект, согласно компаниските процедури, законските регулативи и корпорациските стандарди на Coca-Cola HBC & Heineken. Самостојно врши анализи и одговара за нивната точност низ сите фази на производниот процес, почнувајќи од квалитетот на водата, репроматеријалите, полупроизводите како и готовиот производ.

Што е тоа што го бараме:

• Високо образование (ПМФ - Институт за Биологија студии по биохемија - микробиологија);
• Практично или дополнително работно искуство во вршење физичко-хемиски и микробиолошки анализи како и работа со лабораториска опрема ќе се смета за преднос;
• Мотивација за работа во динамично окружување и во мултинационална средина;
• Способност за разбирање, обработка и пренос на точни факти и информации;
• Изразени организациски и аналитички вештини;
• Основно познавање на пакетот MS Office, познавање на SAP ќе се смета за предност;
• Добро познавање на пишан и говорен Англиски јазик;

Краток опис на основните одговорности:

• Го применува системот за квалите и безбедност на храна и учествува во редовниот мониторинг и верификација;
• Обезбедува исправно спроведување на физичко-хемиските анализи и точност на испорачаните резултати;
• Врши контрола на квалитет на полупроизводи,пакувачки материјали и суровини за производство.Обезбедува навремени и точни извештаи согласно контролата и редовно генерира податоци во системот;
• Извршува анализа на мостри и сугерира корективни активности кога е потребно;
• Ги спроведува активностите на сегментот PQ Pillar ( Progressive Quality), со цел одржување и континуирано подобрување на квалитетот на производите и системот STARLAB во одделот за пиво;
• Осигурува непречено работење на лабораториската опрема,врши редовна калибрација на апаратите и води записи од неа со кои ги известува претпоставените
• Ги спроведува успешните практики, идентификувани во оделот за лабораториско работење со останатите операции и имплементира успешни практики од други операции;

Како да се аплицира:

Кандидатите кои ги исполнуваат наведените квалификации треба да аплицираат на следниов начин: 

• да пристапат на полето брза апликација и да прикачат своја кратка биографија и писмо за интерес најдоцна до 02.05.2021 

Апликациите што ќе пристигнат по рокот предвиден за пријавување нема да бидат земени предвид.

Работниот однос се заснова на определено време од 6 месеци, со можност за продолжување договор на неопределено време. Неделното работно време за позицијата е од понеделник до петок.

Избор на пријавените кандидати ќе се изврши во рок од 45/90/120 дена по истекот на рокот за пријавување во зависност од бројот на пријавените кандидати.

Со праќање на Вашата апликација, давате согласност вашите податоци да бидат задржани и користени од компанијата во рок од 1 (една) година.

Пивара Скопје АД една од водечките компании во Македонија со 99 години традиција, богато портфолио на производи и број еден позиција на пазарот ви нуди вистински предизвик. Пивара Скопје АД е дел од големите интернационални семејства на Coca-Cola HBC и Heineken.