Виши Соработник за планирање на радио и микробранова мрежа

Македонски Телеком АД е водечки национален телекомуникациски оператор и е дел од Групацијата Дојче Телеком. Согласно својата мисија и стратегија за развој, компанијата постојано го унапредува своето портфолио на производи и услуги, притоа воведувајќи новини во работењето, а се со цел да одговори на потребите на своите корисници. Во функција на остварување на оваа наша стратешка определба, постојано ги следиме и применуваме најновите методи и трендови во процесот на вработување и управување со човечките ресурси работејќи според највисоките светски стандарди. 

Заради пополнување на позиција во нашиот тим, имаме потреба од талентиранo лицe на работно место:

Одговорности

• Исполнување на таргетите за квалитет на радио мрежа со цел овозможување на високо квалитетна услуга на крајните корисници;
• Планирање на радио и антенски параметри и податоци заради остварување на планираната имплементација на нови базни станици и надградба на постоечки со нови капацитети и технологии;
• Планирање на радио параметри и податоци  заради ре-фарминг, т.е пренамена на постоечки фреквентни опсези и имплементација на нови технологиии (пр. 5G NR );
• Проверка на нови локации за базни станици со алатките за планирање заради утврдување на погодноста на локациите при имплементација на планот за развој на радио мрежата;
•  Планирање и конфигурирање на микробранови линкови за оставарување на пренос за базни станици и други фиксни услуги;
• Следење и репортирање на 2G/3G/4G/5G покривање заради планирање на развојот на радио мрежата, јавно објавување на мапите на покривање, како и доставување на мапи и процент на покриеност до АЕК;
• Придонес во изготвувањето на годишниот план за развој на радио мрежата

Што очекуваме:

• Добри вербални и комуникациски способности;
• Проактивност;
• Аналитички способности и способности за решавање на проблеми;
•  Висок степен на креативност и флексибилност;
•  Способност за работа под притисок;
•  Тимска работа;
•  Посветеност на работата и доверливост

Квалификации

• Високо или Више образование (Технички факултет – Телекомуникации, Електротехника или друг технички факултет);  
• 1-3 години работно искуство на иста или слична проблематика ќе се смета за предност;
• Напредни познавања на работа со компјутер (MS office, email, internet, intranet);
• Добро познавање на мобилните технологии (GSM, UMTS, LTE) со посебни познавања во областа на радио мрежи;
• Добри познавања на GIS технологија;
• Солидно познавање на IP технологии (TCP/IP) и мрежи;
• Солидно познавање на IT технологии и опрема (компјутерски системи и работа со бази на податоци, SQL);
• Дополнителни познавања, курсеви, обуки и вештини од областа на big data, анализа на податоци (data analyst), machine learning (ML) ќе се сметаат за предност
• Активно познавање на англиски јазик

Работно време:

• Работното време во компанијата е  флексибилно во траење од 8 часа (со почеток помеѓу 08:00 и 09:00 часот и завршување помеѓу 16:00 и 17:00  часот)

Што нудиме:

• Работа со најнови технологии во интернационална компанија по стандарди на ДТ методологија
• Плата согласно утврдените интерни акти на компанијата
• Можност за континуирано професионално усовршување и развој
• Службен мобилен телефон и бенефиции од користење на услугите на МКТ
• Останати бенефиции како вработен во МК

Како да аплицирате:

Вашето CV испратете го електронски на апликацијата на следниот линк http://www.telekom.mk/tekovni-oglasi.nspx  и/или на адреса на Македонски Телеком АД Скопје, ул. Кеј 13 Ноември бр.6 со назнака оглас за ангажирање-  Виши Соработник за планирање на радио и микробранова мрежа

Контакт информации тел. 02/3 242-602

Забелешка:

Сите примени апликации ќе бидат разгледани со строга доверливост. За одредени позиции е можно да биде спроведен тест на пред-селектираните кандидати, пред да биде направено финалното интервју. За интервју ќе бидат контактирани само кандидати кои ќе влезат во потесен избор.

Нецелосните апликации и оние кои ќе бидат примени по истекот на крајниот рок нема да бидат земени вo предвид.

Македонски Телеком АД го задржува правото да не ја пополни огласената позиција.