Електродистрибуција ДООЕЛ е компанија чија главна дејност е дистрибуција на електрична енергија во Република Северна Македонија. Компанијата е дел од EVN групацијата.
За потребите на одделот Високoнапонски постројки, Група заштита и погонски мерења, бараме:
СПЕЦИЈАЛИСТ ЗА РЕЛЕЈНА ЗАШТИТА И ПОГОНСКИ МЕРЕЊА (М/Ж)
Работни задачи:
- Врши испитувања пред пуштање во погон на нови системи за релејна заштита, командно сигнални кола, системи за автоматска регулација на напон и AC и DC развод,
- Учествува во изготвување на планови и извршува редовни периодични испитувања на системи за релејна заштита и командно сигнални кола,
- Анализа на погонски настани и работа на системи за заштита; Прибавува документација и податоци потребни за сетирaње на релеи и правилна работа на системот за релејна заштита,
- Води евиденција на вградени уреди во системите за релејна заштита, изготвува и архивира записници од извршени редовни и вонредни испитувања,
- Врши отклонување на недостатоци и дефекти, врши замена и поправки на елементи од системите за релејна заштита, командно сигнални кола, AC и DC развод,
- Врши ожичување на новопоставена или заменета опрема од системите за релејна заштита, секундарни струјни и напонски кругови и сигнализација,
- Учествува во подготвка и реализација на концепти, технички и тендерски спецификации потребни за проекти од инвестициона програма и проекти за ревитализација на ЕЕО,
- Врши погонски мерења во ЕЕО – громобранска инсталација и заземјување, напон на допир и чекор.
Потребни компетенции:
- VI-VII степен, Електротехничко образование;
- Работно искуство 3 години
- Познавање и користење на MS Office, англиски јазик;
- Организациски способности, комуникација;
- Познавање на законодавство од областа, како и од безбедност и заштита при работа.
Доколку сте заинтересирани за кариера во Електродистрибуција, испратете куса биографија и мотивационо писмо преку полето Брза Апликација најдоцна до 03.05.2022.
Напомена: Во согласност со законот за заштита на лични податоци со самото испраќање на Вашата апликација согласни сте вашите податоци да се чуваат , обработуваат и користат исклучиво за целите на регрутација и селекција. Повеќе информации околу Вашите права за обработка на податоците, како и за начинот на обработка на податоците можете да добиете на следниот линк https://www.evn.mk/Careers.aspx .
Електродистрибуција е компанија која нуди еднакви можности и правичен третман при вработување на сите лица без оглед на нивната раса, пол, религија, национална припадност, вид на попреченост или политичка припадност.
