Виши Специјалист - Архитект за деловни решенија

Македонски Телеком АД е водечки национален телекомуникациски оператор и е дел од Групацијата Дојче Телеком. Согласно својата мисија и стратегија за развој, компанијата постојано го унапредува своето портфолио на производи и услуги, притоа воведувајќи новини во работењето, а се со цел да одговори на потребите на своите корисници. Во функција на остварување на оваа наша стратешка определба, постојано ги следиме и применуваме најновите методи и трендови во процесот на вработување и управување со човечките ресурси работејќи според највисоките светски стандарди. 

Заради пополнување на позиција во нашиот тим, имаме потреба од талентиранo  лицe на работно место:

Виши Специјалист - Архитект за деловни решенија

Одговорности

• Подготвува продажни и претпродажни сценарија за комплексни ИКТ решенија во комерцијалниот бизнис сегмент на корисници;
• Води развој на нови големи кориснички ИКТ проекти и систем интеграциски решенија преку консултантска продажба и проширување на корисничкото портфолио;
• Одговорен е за  Profit/Loss анализата за ИКТ решенија вклучувајќи: high level design и листа со потребни материјали за решенијата;
• Развива компетитивни ИКТ решенија во однос на конкуренцијата, приходите, ризиците и долгорочната препознатливост од страна на корисниците;
• Работи на задржување на постоечките ИКТ корисници кои применуваат комплексни решенија и се залага за придобивање на нови корисници во корпоративниот сегмент;
• Подготвува кориснички презентации и состаноци со комерцијалните корисници;
• Ја координира подготовката на деловната студија, финансиска процена на ризикот, моделот  за плаќање и предлог на цени

Кои способности треба да ги поседувате

• Добри аналитички способности и способност за решавање на проблеми
• Напредни способности за презентација и комуникација
• Креативност
• Проактивност
• Доверливост и флексибилност
• Способност за работа под притисок и кратки крајни рокови

Квалификации

• Технички факултет – Електротехника или Информатички технологии, Природно математички факултет, Економски Факултет;
• 5 години соодветно работно искуство;
• Напредни способности за креирање и управување со проекти;
• Основни познавања на сметководствени стандарди;
• Напредни познавања на IP технологија;
• Напредни познавања на Cloud, IoT, безбедност, енергетска ефикасност;
• Добро познавања на телекомуникацискиот пазар и конкуренцијата;
• Напредни познавања на подготовка на Деловна студија

Работно време:

• Работното време во компанијата е  флексибилно во траење од 8 часа (со почеток помеѓу 08:00 и 09:00 часот и завршување помеѓу 16:00 и 17:00  часот)

Што нудиме:

• Работа во интернационална компанија по стандарди на ДТ методологија
• Плата и финансиска мотивација согласно утврдените интерни акти на компанијата
• Можност за континуирано професионално усовршување и развој
• Службен мобилен телефон и бенефиции од користење на услугите на МКТ
• Останати бенефиции како вработен во МК

Како да аплицирате:

Вашето CV испратете го електронски на апликацијата на следниот линк http://www.telekom.mk/tekovni-oglasi.nspx  и/или на адреса на Македонски Телеком АД Скопје, ул. Кеј 13 Ноември бр.6 со назнака оглас за ангажирање за  - Виши Специјалист - Архитект за деловни решенија.

Огласот ќе биде објавен на ден 07.07.2022 година и ќе трае  до 15.07.2022 година

Контакт информации тел. 02/3 242-602

Забелешка:

Сите примени апликации ќе бидат разгледани со строга доверливост. За одредени позиции е можно да биде спроведен тест на пред-селектираните кандидати, пред да биде направено финалното интервју. За интервју ќе бидат контактирани само кандидати кои ќе влезат во потесен избор.

Нецелосните апликации и оние кои ќе бидат примени по истекот на крајниот рок нема да бидат земени вo предвид.

Македонски Телеком АД го задржува правото да не ја пополни огласената позиција.