Организацијата Македонија 2025 е посветена на создавање на просперитетна економска клима во Република Македонија која ќе ги подобри можностите за граѓаните, домашните компании и странските инвеститори. Ние промовираме одржлив економски раст преку поттикнување на конкурентноста, претприемништвото, иновациите и лидерството.
Поради остварување на нашата мисија, бараме високо мотивирани, амбициозни и талентирани лица.
Оглас за работна позиција: Соработник за Атанас Близнакоф програмата за студентска извонредност
Опис на позицијата:
Како Соработник за Атанас Близнакоф програмата за студентска извонредност на Македонија2025, вашите работни обврски ќе вклучуваат:
- Раководење и спроведување на Атанас Близнакоф програмата за студентска извонредност согласно планот за работа на организацијата;
- Активности поврзани со развој на годишен план за работа и можности за унапредување на програмата;
- Координација со сите инволвирани страни во програмата со цел успешна реализација;
- Поддршка и учество во други проекти кои ги спроведува организацијата;
- Поддршка на тимот на Македонија2025 и Одборот на директори при други тековни и административни задачи;
- Други задачи утврдени со планот за работа на организацијата.
Услови за работа:
- Позицијата е со работно време од 40 часа неделно во Скопје.
- Селектираните кандидати првично ќе бидат ангажирани со договор за работа на определено време (6 месеци) што ќе вклучува и обука, со можност за продолжување на договорот и вработување на неопределено време.
- Месечниот надоместок ќе изнесува најмалку 35,000 денари нето.
- Работата на Соработникот ќе се оценува најмалку еднаш годишно од главниот извршен директор и претседателот на Одборот на директори на Македонија2025, врз основа на однапред утврдени цели. Согласно успешноста, ќе имате право на пораст на платата и/или бонус за успешност.
Квалификации и вештини:
- Завршени додипломски или магистерски студии;
- Релевантно работно искуство или соодветен ангажман во раководење и работа на проекти од најмалку 2 години;
- Одлични комуникациски вештини, со високо ниво на говорен и пишан англиски јазик;
- Напредно познавање на алатките на Microsoft Office (особено Word и Excel) и Google;
- Аналитичност, прецизност и деталност во работењето;
- Способност за справување со повеќе разновидни задачи истовремено;
- Креативност и самоиницијатива, желба за постојано учење и надградување на знаењето;
- Навременост и строго почитување рокови;
- Подготвеност за индивидуална и тимска работа;
- Познавање и верување во мисијата на Македонија2025.
Рок и начин на пријавување:
Документите кои ги докажуваат горните барања да се достават по електронски пат преку полето Брза Апликација. Документите треба да содржат:
- Професионална биографија;
- Мотивациско писмо на англиски јазик (најмногу една страна);
- Референци од претходни работодавачи/проектни координатори (не е задолжително).
Првичната селекција ќе се спроведе врз основа на доставените апликации. Само избраните кандидати во втор круг ќе бидат повикани на интервју.
Почеток и завршеток на работно време: од 08:00/09:00 до 16:00/17:00 часот, од понеделник до петок.
Рокот за доставување на апликаците е 23 јуни, 2024 година.
Приклучувањето кон Македонија2025 како соработник на образовна програма претставува можност да придонесете кон мисијата на организацијата за поттикнување на образовниот развој и еднакви можности за образование на сите млади луѓе во Македонија
Напомена: Овој опис на работното место е општ опис на одговорностите и квалификациите и може да подложи на промени согласно потребите на Македонија2025.
