Стручен соработник за сметководство и финансии

МЕГА Ауто Партс е специјализирана компанија за увоз, дистрибуција и големопродажба на автомобилски оригинални резервни делови од реномирани производители од Германија и Западна Европа.  МЕГА Ауто Партс е основана во 1998 година и со текот на годините е изградена репутација на добро организирана компанија која нуди висококвалитетни автомобилски делови, одлична услуга и професионалност, позиционирајќи се како една од водечките компании во бизнисот со резервни автомобилски делови.

Поради зголемениот обем на работа  МЕГА Ауто Партс  го проширува својот тим и ги охрабрува мотивираните и талентирани професионалци да ги поднесат своите апликации за следната работнa позиција:

СТРУЧЕН СОРАБОТНИК ЗА СМЕТКОВОДСТВО И ФИНАНСИИ ( 1 позиција)

• Образование: Завршено високо образование (VII/1) во соодветната област – економија, финансии, сметководство и ревизија
• Работно искуство: Минимум 2 години на иста или слична работна позиција.
• Познавање на финансиските регулативи и сметководствените стандарди
• Напредно познавање и работа со MS Office пакет (Word, Excel, Powerpoint). Предност ќе имаат кандидатите кои познаваат работа во Pantheon
• Познавање на англиски јазик (говорен и пишан)

• Водење на финансиското книговодство и сите работи од областа на материјално - финансиското работење
• Контирање и книжење за севкупните финансиски промени
• Комплетирање на финансиските документи, завршна сметка, ревизорски извештаи
• Изготвување излезни фактури, анализирање, контрола и усогласување на фактури со главна книга
• Подготовка на налози и вирмани за исплата на придонеси и други законски давачки
• Усогласување на евиденцијата во магацините и материјалното книговодство
• Подготвка на патни сметки за службени патувања
• Водење евиденција и чување деловните книги и сметководствени документи

Способности и вештини:

• Комуникативна и позитивна личност
• Критичко размислување
• Високо развиени организациски и аналитички способности
• Способности за решавање проблеми, со остро око за детали и точност
• Тимска работа
• Желба за учење
• Чувство за мултикултурализам и недискриминација

Доколку сте заинтересирани да градите кариера во нашата компанија и да бидете дел од нашиот тим Ве охрабруваме да испратите кратка биографија на е-маил:administracija@megaauto.com.mk со назнака за позицијата за кој апалицирате но не подоцна од  25.09.2024 година.

*Напомена: Контактирани ќе бидат само оние кандидати кои ќе бидат избрани во потесен круг.

Личните податоци наведени во кратката биографија добиени во процесот на регрутација и селекција се користат единствено за целта за која се побарани.