Data Engineer
Скопје
Рок за пријавување:
- Македонски Телеком АД-Скопје
Ние сме првиот и најдобар телекомуникациски оператор во Македонија, и веќе 23 години сме горд член на Групацијата Дојче Телеком. Нашата мисија е сите наши корисници да добијат исклучителни услуги и грижа, па поради тоа постојано инвестираме во најнови технологии и најиновативни продукти, услуги и процеси со кои ги задоволуваме и најпребирливите барања и потреби на нашите корисници. Со користење на најсовремени технологии и увиди водени од податоци, поттикнуваме иновации и извонредност во нашите услуги и производи.
Нашите вработени се нашето најголемо богатство, а ние им обезбедуваме можности да го развијат својот потенцијал и да дадат свој придонес со своите силни страни и идеи, да бидат креативни, да работат со голема автономија, фокусирани на резултатите и корисниците, но и да се забавуваат додека сме на работното место.
Приклучете ни се и заедно ќе работиме на проекти преку кои оставаме белег во општеството, вложувајќи во професионалниот и личниот развој, кој е неминовен. Ајде заедно да го создаваме дигиталниот свет од иднината.
Data Engineer
Во потрага сме по Data Engineer кој ќе се придружи на нашиот динамичен Data Enablement тим, посветен на зајакнување на организацијата преку стратешка употреба на податоците, во согласност со нашата стратегиска цел - водечка дигитална телекомуникациска компанија управувана од податоци.
Потребен ни е високо квалификуван професионалец кој ќе биде клучен дел на тимот одговорен за имплементација на современи решенија во модерна Data Enablement платформа базирана на Data Lake архитектура, користејќи најсовремени технологии и алатки.
Работни задачи:
- Имплементација на end-to-end процеси во Data Enablement Platform (DEP) - развој на data pipelines за преземање на податоци, зачувување во Data Lake, трансформација и моделирање на податоци, оркестрација на процеси и изработка на извештаи/dashboard-и
- Континуирано следење и одржување на процеси во рамки на DEP платформата (дневни/месечни процеси, справување со грешки, развој на извештаи)
- Анализа на деловни барања за промени (change requests) и барања за извештаи (report requests) за имплементација на нови и надградба на постојни функционалности и извештаи во системите во Data доменот
- Изработка на технички решенија и дизајни за нови и надградба на постојни функционалности на податочните решенија како и интефејсите со изворните ситеми
- Моделирање на податоци во BI алатки, креирање на аналитички модели, дизајн, имплементација и одржување
- Изработка на ad-hoc извештаи и комплексни извештаи по барање на деловните корисници и месечно креирање на финансиски извештаи
- Соработка со останатите области во компанијата, негување култура на соработка, иновации и раст, инспирирајќи извонредност и заеднички успех
Потребни квалификации:
- Високо образование - Диплома од компјутерски науки, инженерство или соодветна област
- Минимум 3 години соодветно работно искуство
- Активно познавање на англиски јазик
- Напредно познавање на бази на податоци (релациони и/или NoSQL)
- Искуство со манипулирање и обработка на обемни и сложени сетови на податоци
- Искуство со Big Data алатки и технологии, архитектура базирана на Data Lake / Data Warehouse решенија.
- Искуство со Data Lake концепт, трансформација и моделирање на податоци за аналитика (Data Vault, Star Schema)
- Искуство со Python, Spark, SQL, R за манипулирање со податоци
- Искуство со алатки за развој на ELT/ETL процеси (Apache Nifi, Apache Kafka, Apache Spark, Apache Hadoop, Apache Airflow) и визуелизација на податоци (Power BI, Cognos)
- Искуство во користење на алатки за управување со верзии (Git)
- Познавање на Unix и Windows оперативни системи
- Способност за работа во агилна организација и учество во агилни процеси
- Способност за анализа на комплексни податоци и развој на иновативни решенија
Што очекуваме:
- Тимски играч
- Одлични комуникациски вештини и способност за јасно изразување на технички концепти
- Подготвеност за учење на нови технологии и позитивен пристап кон личен и професионален раст
- Ориентираност кон резултати, одговорност, посветеност
- Аналитички вештини и вештини за решавање проблеми
- Вљубеник во технологијата
Ако сте подготвени да се придружите на тимот кој го движи дигиталниот трансформациски пат на нашата компанија, испратете ја вашата апликација!
Што нудиме:
- Работа во интернационална компанија по стандарди на ДТ методологија
- Плата и финансиска мотивација (компетентен бонус) согласно утврдените интерни акти на компанијата
- Можност за континуирано професионално усовршување и развој
- Приватно здравствено осигурување
- Службен мобилен телефон и бенефиции од користење на услугите на МКТ
- Бесплатен фитнес клуб и јога во рамките на компанијата
- Останати бенефиции како вработен во МКТ
Работно време:
- Работното време на компанијата е флексибилно во траење од 8 часа (со почеток помеѓу 08:00 и 09:00 часот и завршување помеѓу 16:00 и 17:00 часот)
Како да аплицирате:
Вашето CV испратете го електронски на апликацијата на следниот линк http://www.telekom.mk/tekovni-oglasi.nspx или на адреса на Македонски Телеком АД Скопје, ул. Кеј 13 Ноември бр.6 со назнака оглас за вработување на Data Engineer.
Контакт информации тел. 02/2 3 242-694
Огласот ќе биде отворен од 28.01. до 11.02.2025.
Забелешка:
Сите примени апликации ќе бидат разгледани со строга доверливост. За одредени позиции е можно да биде спроведен тест на пред-селектираните кандидати, пред да биде направено финалното интервју. За интервју ќе бидат контактирани само кандидати кои ќе влезат во потесен избор.
Нецелосните апликации и оние кои ќе бидат примени по истекот на крајниот рок нема да бидат земени вo предвид.
Македонски Телеком АД го задржува правото да не ја пополни огласената позиција.
СПОРЕДЕТЕ ЈА ВАШАТА ПЛАТА
Просечната плата во категоријата
Продажба изнесува 22.310 MKD.
Дознај ја платата за посакуваната позиција според твоите квалификации!
