Сите ограничувачки мерки за посета на Црна Гора оваа сезона, вклучително и тестирањето за ПЦР, ќе бидат укинати за туристите од Русија, Белорусија, Украина и Северна Македонија, кажа министерот за финансии и социјална помош на таа земја Милојко Спајиќ.
„Задоволство ми е да ве известам дека сите ограничувачки мерки, вклучително и тестирање на ПЦР, за граѓаните на Русија, Белорусија, Украина и Северна Македонија ќе бидат укинати за посета на Црна Гора оваа туристичка сезона“, напиша Спајиќ на својот профил на Твитер, на руски јазик.
Тој рече дека Црна Гора останува безбедна и сигурна дестинација и оваа година.
„Сакам да ги поздравам сите што ќе одлучат да ја посетат Црна Гора“, додаде Спајиќ.
Извор : https://faktor.mk/
