Хрватите во просек заработуваат по 930 евра

Просечната плата во Хрватска во февруари изнесувала скоро 930 евра.

Во однос на јануари 2021 година, просечната февруарска нето-плата е реално поголема за 0,5 проценти. Просечната нето-плата по вработен исплатена во Хрватска во февруари годинава изнесува 7.038 куни (929 евра), што на годишно ниво е реално повеќе за 3,4 проценти. Ова го покажуваат податоците кои денеска ги објави Државниот завод за статистика (ДЗС).

Според податоците кои беа објавени на почетокот на оваа година, просечната плата најмногу порасна во Словенија, за 59,35 евра, а по неа следи Србија со зголемување од 44,19, Северна Македонија со раст од 36,31, Хрватска со 18,41, Босна и Херцеговина за 14,26, и најмалку, 8 евра во Црна Гора.

Извор : https://faktor.mk/