Кинескиот производител на паметни телефони Xiaomi стана вториот најголем производител на паметни телефони во вториот квартал од 2021 година, надминувајќи го Apple, покажа новиот извештај на аналитичката компанија Каналис.
Xiaomi имаше удел од 17 проценти во глобалната испорака на паметни телефони во периодот април-јуни, туркајќи го Apple на трето место, чие учество беше 14 проценти. Јужнокорејскиот Samsung со учество од 19% ја задржа првата позиција, пренесува CNBC.
Xiaomi рапидно ја зголемува својата деловна активност во странство “, рече директорот за истражување на Каналис, Бен Стантон, во соопштението за јавноста, истакнувајќи дека испораките на компанијата во Латинска Америка се зголемиле за 300 проценти на годишно ниво, а во Западна Европа за 50 проценти.
Кинескиот производител на паметни телефони забележа годишно зголемување на испораките за 83 проценти, Samsung за 15 проценти и Apple за само 1,0 проценти.
Стентон, сепак, смета дека сликата за уделот на Xiaomi на глобалниот пазар на паметни телефони е искривена од ориентацијата на компанијата кон масовниот пазар, каде цената на нејзините телефони е 75 проценти пониска од онаа на „Apple“. Компанијата со седиште во Пекинг сега се обидува да се пробие на луксузниот, премиум пазар на паметни телефони.
