Изнајмувањето станови на дневна основа, особено пред пандемија, многумина го сметаа за еден вид профитабилен бизнис. На страници како Booking и Airbnb, овие типови сместување можат да се најдат по различни цени во зависност од локацијата, опремата и дополнителните придобивки што ги имаат гостите на располагање.
Сепак, оние кои сакаат да се занимаваат со овој бизнис треба да знаат дека почетната инвестиција не е занемарлива, има многу дополнителни трошоци и потребно е многу време и трпеливост за да се оствари просечен месечен приход. Визуелниот идентитет е многу важен за клиентите од странство, поради што е потребно што е можно подобро да се претстави станот преку фотографии и видео.
Локацијата и опремата се клучни за цената:
На цената на изнајмувањето на вакви недвижнини најпрво влијаат локацијата, микролокацијата, а потоа и зградата и дополнителните поволности што ги имаат на располагање гостите.
Луѓето кои изнајмуваат станови за еден ден, обично доаѓаат за кратки периоди за работа или туризам. Близината на центарот, трговските центри или културно-историските споменици е важна за нив. Повеќето сопственици, кои изнајмуваа станови за еден ден пред пандемијата, преминаа на долгорочно изнајмување, бидејќи во нив видоа шанса да заработат изгубен приход. Оние кои се занимаваат со овој бизнис велат дека може да се заработи една просечна плата. Како секој бизнис па така и овој има свои предности и маани. Мора да се земе предвид дека сместување не е во текот на целиот месец, туку претежно околу 15 дена во месецот просечната ноќ, во зависност од локацијата и опремата на станот може да заработи добро со тоа што сопствениците плаќаат даноци, дополнителни услуги за чистење и опрема.
