Од 1 септември граѓаните ќе можат да ја поминат македонската граница само доколку достават ПЦР тест, сертификат за вакцинација или потврда за прележан ковид направен 72 часа пред влезот, соопшти Владата по вчерашната седница.
„Домашните и странските државјани ќе можат да влезат на територијата на земјава доколку претходно на граничниот премин приложат: Сертификат/потврда за извршена имунизација (вакцинација) од вирусот SARS-CoV-2, односно примени најмалку две дози на вакцина против заразната болест КОВИД-19; сертификат/потврда за прележан КОВИД-19 во последните 45 дена, сметајќи од денот на оздравувањето; или медицинска потврда со негативен резултат од RT PCR SARS-CoV-2 тест, направен 72 часа пред влез на територијата на земјава“, информираа од Владата по вчерашната седница.
Погледнете кои нови мерки ги воведува Грција за невакцинираните.
За нашите граѓани кои ќе се враќаат во земјата после 1 септември, а немаат ПЦР тест, или потврди за примена вакцина или за прележан Ковид-19, ќе се одреди мерка карантин од 7 (седум) дена домашна изолација со решение од Државниот санитарен и здравствен инспекторат.
Странските државјани кои транзитираат низ земјата ќе можат да го направат тоа во рок од 5 часа со претходно потпишана изјава на влезот во земјата која ќе треба да ја приложат пред граничната контрола на излезот од државата.
