Компанијата за спортска опрема Nike ги затвори своите канцеларии една недела, но не поради пандемијата. Причината е желбата на вработените и менаџерите да се „опуштат и да се одморат“.
Мет Марацо, менаџер на компанијата, објави известување на својата страница за новата одлука:
„Не е само една недела одмор за тимот … Тоа е признание од наша страна дека можеме да дадеме приоритет на менталното здравје и сепак да ја завршиме работата“, напиша тој. Според Марацо, компанијата ги разбира сите тешкотии со кои се соочуваат нивните вработени.
„Да се одвои време за одмор и закрепнување е клучно за добра работа, и се надеваме дека оваа одлука ќе има позитивно влијание".
„Експериментот“ на работа од дома, кој трае речиси две години, им покажа на компаниите дека нивните вработени немаат потреба да минуваат здодевни часови патувајќи и враќајќи се од работа и работејќи од канцеларии.
Според студијата на Светската здравствена организација (СЗО) и Меѓународната организација на трудот (МОТ), „долгото работно време предизвика до 745.000 смртни случаи од мозочен удар и срцеви заболувања во 2016 година, што е зголемување за 29% од 2000 година.
Значителен број мозочни удари и срцеви заболувања се резултат на работа која трае „најмалку 55 часа неделно“. Но, додека вработените во канцелариите на компанијата добиваат платена слободна недела, другите воопшто нема да го почувствуваат тоа.
Извор: biznisinfo.mk
