Дигиталниот маркетинг полека, но сигурно станува основна професионална вештина која ве прави многу поатрактивни на пазарот на трудот - Ако не почнеш денес за три месеци можеби ќе биде доцна!
Марија Манева е извршен директор на академијата Market Design Academy, која работи од 2019 година и е фокусирана на едукација и консалтинг за дигитален маркетинг. Академијата работи на развој на нови едуативни програми кои ќе понудат сегментирани и специјализирања знаеања и вештини од областа на дигиталниот маркетинг.
Терминот Дигитален маркетинг го среќаваме многу често, но дали ни е целосно јасен? Ја прашавме Марија што е Дигитален маркетинг и зошто е толку важен?
Секоја онлајн комуникација која е насочена кон креирање на позитивен став, имиџ и репутација на брендот и компанијата, која има за цел да стимулира интерес и продажба кај целните групи и која ги промовира вредностите и мисијата на компанијата може да се нарече дигитален маркетинг. Во денешен контекст дигиталниот маркетинг е исклучително важен, не само заради фактот што дигиталниот маркетинг ќе го подигне целокупниот бизнис на сосема ново, понапредно ниво, туку и заради искористување на целокупниот потенцијал за стратешко менаџирање на корпоративнаите комуникации. Ако нашата деловна комуникација е спонтана, без стратешки интервенции од страна на компанијата, тогаш оставаме огромен простор да се креира сосема погрешна перцепција и таа да се шири со молскавична брзина. Добар дигитален маркетинг значи планирана и динамична комуникација која ги промовира корпоративните вредности и носи одлични бизнис резултати.
Зошто на една компанија и е потребен Дигитален маркетинг? Кои се најголемите предности на дигиталниот маркетинг, во однос на традиционалниот?
Ги има многу, ќе тргнам од тоа дека примената на дигиталниот маркетинг овозможува целосно оптимизирање на маркетинг буџетот, што значи дека со истиот месечен буџет кој се троши за промоција на традиционланите медиуми би можеле да се рекламирате шест месеци на различни дигитални платформи и притоа да остварите многу подобри резултати.
Втората по мене значајна предност е тоа што дигиталниот маркетинг има капацитет успешно да ве катапултира на интернационално ниво и да ви отвори поинакви деловни можности. Примената на дигиталните маркетинг алакти можат да ви донесат најразлични глобални вмрежувања, соработки со странски партнери, влез на интернационални пазари и целосно да ја анулираат географската бариера.
Огромна предност е тоа што за разлика од традиционалните медиуми, дигиталните канали на комуникација овозможуваат двонасочна комуникација со клиентите и тоа во реално време. На пример, ако поставите билборд или пуштите реклама на радио, многу мали се шансите дека ќе добиете било каква повратна информација од клиентите дали рекламата била разбирлива за нив, дали производот/услугата која се рекламира им се допаѓа, дали имаат одредени прашања во врска со производот/услугата итн.
Дигиталниот маркетинг дава одговор на сите овие прашања и тоа со огромна прецизност, компаниите без дополнителни трошоци за теренски истражувања, анкети и анализи можат многу лесно да дојдат до мерливи податоци за тоа колкав досег имала одредена реклама, колку луѓе кликнале на рекламата, до која секунда/минута било погледнато одредено видео, од која платформа пристапиле на вашата електронска продавница и сл.
Како компаниите го прифаќаат Дигиталниот маркетинг и колку е тешко или лесно да им се објасни потребата и бенефитот од истиот?
Светската здравствена криза направи тектонски поместувања во овој поглед. За неполни две години перцепцијата за дигиталниот маркетинг кај нас драстично се промени во позитивна насока.
Повеќе со компаниите не се разговара за тоа дали е потребен дигитален маркетинг, туку разговорот се сведува на тоа каква автоматизирана маркетинг стратегија е најсоодветна за нив. Повеќе од јасно е дека ако бизнисот нема свое онлајн место, макар да е тоа и само Инстаграм профил, тој бизнис нема да преживее, не заради тоа што не е добар или нема потенцијал, туку затоа што не ги следи глобалните трендови.
Станува збор за цивилизациска промена која наметнува сосема нови социјални и економски текови и ако сакаме да бидеме учесници во економскиот систем неопходно е да се отвориме кон промените, да ги консолидираме знаењата и искуствата и да продолжиме понатаму со уште поголем успех.
На нашиот сајт vrabotuvanje.com се почести се огласите за Дигитален маркетер, content writer, нови професии за кои има потреба, но дали има соодветна едукација?
Сосема сте во право, тоа се професии на иднината и се нужен производ на глобалните трендови за кои претходно зборував. Во последните 5 години се профилираа многу нови работни позиции, за некои од нив (content writer, UI и UX експерт и сл.) во македонскиот јазик сѐ уште нема соодветен превод, затоа што сме затечени од оваа динамична промена.
Моите предвидувања се дека за многу краток период секоја компанија ќе има потреба од дигитален маркетер исто како што има потреба од сметководител, правник и сл. Во моментот во нашата држава не постои високообразовна институција која нуди студиска програма за дигитален маркетинг, што не значи дека можноста за соодветна едукација е ускратена, напротив, постојат голем број академии и едукативни центри кои нудат неформални едукативни програми преку кои се стекнуваат знаења, вештини и компетенции за извршување на овие работни позиции.
Што се нуди вашата Академија, и дали по завршувањето на вашата обука кандидатите стануваат квалификувани за да работат на позиција за Дигитален маркетинг?
Обуката која ја нудиме во рамки на Market Design Academy е четиринеделна едукативна програма дизајнирана на тој начин што дава интегрирано теоретско и практично знаење за автоматизација на сите дигитални маркетинг активности.
Опфатени се сите базични аспекти на дигиталниот маркетинг така што по завршувањето на обуката учесниците добиваат сертификат и се целосно оспособени да ги менаџираат дигиталните маркетинг комуникации и да ги имплементираат своите знаења и вештини во својата компанија или компанијата за која работат.
Предноста на оваа едукативна програма е што се реализира онлајн, преку снимени видео предавања до кои учесниците имаат пристап 24/7 и овој начин на едукација лесно може да се вклопи во нивните секојдневни обврски. Програмата предвидува и менторски средби, па учесниците имаат можност за консултации, прашања, работа на конкретни маркетинг планови и стратегии, поддршка за нивна имплементација и сл.
Искуствата на учесниците се одлични, секогаш со задоволство ги следиме и поддржуваме нивните успешни резултати и се радуваме за можноста да бидеме дел од нечиј развоен пат.
Кој се може да се пријави на академијата за Дигитален маркетинг?
Не постојат никакви ограничувања, особено не заради возраста, претходното формално образование или работното искуство. Може да се пријави секој кој чувствува потреба од доедукација, проширување на знаењата, развој на нова професионална кариера, подобрување на бизнис резултатите, компанија која размислува за нов производ/услуга или влез на нов пазар и сл.
Дигиталниот маркетинг полека, но сигурно станува основна професионална вештина која ве прави многу поатрактивни на пазарот на трудот, колку побргу се сфати ова, толку поуспешни и поефикасни ќе бидете и во својата професија.
Зошто би било добро компаниите да инвестираат во обука за Дигитален Маркетинг?
Светската статистика покажува дека дигиталниот маркетинг ја зголемува продажбата на производите/услугите за 30-60% во првите три месеци. Имајќи го предвид овој податок, дури и најголемите скептици би можеле да заклучат дека ризикот од инвестиции во дигитален маркетинг е сведен на нула.
Ако не почнеш денес, за три месеци можеби веќе ќе биде доцна. Во онлајн светот, изреката дека времето чини пари доби највисока вредност, затоа што таму времето повеќе не се мери во месеци, денови, часови, туку исклучиво во минути или уште подобро во секунди, една секунда може да направи драстична промена. Од вас зависи како ќе го инвестирате времето, односно парите.
Совет до работодавачите: Што го прави кандидатот добар Дигиталниот маркетeр, на што би требало да обрнат вимание кога го интервјуираат односно вработуваат?
Многу е важно компанијата да ги идентификува своите потреби и очекувањата кои секако ќе ги темели на поставените бизнис планови. Многу често потребата и понудата се разминуваат само затоа што не се јасно поставени организациските цели.
На пример, кога ќе ангажирате дигитален маркетер за подобрување на вашите резултати на социјалните мрежи, бидете конкретни и специфични во вашите барања, која социјална мрежа и кој точно параметар сакате да го подобрите, дали е тоа број на следбеници, број на интеракции на објавата, број на продажби, број на примени пораки во инбокс, број на споделувани објави и сл., бидејќи за секоја од овие активности се користат различни алатки и се применуваат различни стратегии.
Можеби сакате да работите на сите овие ставки, но наведете го тоа јасно и прецизно, определете маркетинг буџет за овие активности и поставете врменски рок за реализација на очекуваните резултати. Потоа побарајте од кандидатот да подготви предлог маркетинг стратегија и маркетинг план на кој начин може да ѝ помогне на вашата компанија да ги постигнете овие резултати.
Ако е добар дигитален маркетер ќе направи целосна SWOT анализа, ќе ја истражи конкуренцијата, ќе креира профили на идеални купувачи, ќе предложи социјални мрежи и ќе го аргументира изборот, ќе даде предлози за кампањи, огласи, ремаркетинг и нивно буџетирање, ќе даде пример за визуелни решенија и содржински маркетинг, ќе наведе на кој начин ќе ги мери и анализира резултатите и сл. Ако добиете одговор на овие прашања значи дека разговарате со добар дигитален маркетер.
Инвестирањето во себе е најисплатливата инвестиција! Ако дигиталниот маркетинг и сите можности кои ги нуди знаењето од оваа област ве привлекуваат, пријавете се и станете дел од успешните студенти на Market Design Academy!
