Богатството на супербогатиот со-основач на Facebook Марк Цукерберг се стопи за повеќе од шест милијарди долари за неколку часа по падот на цената на акциите на компанијата како резултат на критиките за нејзината политика, во комбинација со глобалниот колапс на пристапот до услугите.
Социјалната мрежа е обвинета дека го става профитот пред безбедноста, откако внатрешна истрага откри дека нејзината платформа Instagram негативно влијаела на тинејџерките. Додадено на ова беше големиот прекин синоќа на пристапот до четири негови мрежи – Facebook, Instagram, WhatsApp и Messenger, кои обично ги посетуваат околу 3,5 милијарди луѓе ширум светот месечно. Како резултат на падот на акциите, 37-годишниот Марк Закерберг загуби повеќе од шест милијарди долари за само неколку часа, што го намали неговото богатство на 121,6 милијарди, јави Bloomberg. Неговите загуби од средината на септември до денес изнесуваат 15 милијарди долари.
Facebook ја обвини „неисправната промена на конфигурацијата“ за речиси шестчасовната блокада што спречи 3,5 милијарди од нивните корисници да пристапат до социјалните медиуми и услугите за пораки, како што се WhatsApp, Instagram и Messenger. Компанијата не наведе на блогот кој ја направил промената на конфигурацијата и дали била планирана.
Неколкумина вработени во Facebook, кои побарале да останат неименувани, за западни медиуми рекоа дека веруваат дека прекинот се должи на внатрешна грешка во начинот на насочување на сообраќајот преку интернет.
Неисправностите на алатките за комуникација преку интернет и другите ресурси што зависат од истата мрежа го влошија проблемот, велат вработените. Безбедносните експерти не ја отфрлија можноста за ненамерна грешка, ниту за саботажа. Facebook и Instagram почнаа да се поврзуваат на интернет во понеделникот точно пред полноќ, речиси шест часа по глобалниот пад.
Facebook и неговите апликации WhatsApp и Instagram паднаа вчера доцна попладнето, а некои корисници на почнаа да добиваат делумен пристап до социјалната мрежа околу 23:45 часот. Губењето на врската беше втор удар гигантот на социјалните медиуми во неколку дена, откако „свиркач“ во неделата ја обвини компанијата дека честопати дава предност на профитот, наместо да ги потиснува говорот на омраза и дезинформациите.
Извор: kajgana.com
