Од 13 до 20 октомври посетете го Најголемиот регионален онлајн саем за вработување и запознајте се со можностите за кариера во Ultrаsoft Systems!
Ultrasoft - IT компанија специјализирана за развој и одржување на софтвер и системски интеграции, официјален бизнис партнер на најголемите светски брендови како што се IBM, Dell EMC, Lenovo, Оracle и многу други, годинава за првпат ќе се претстави на Најголемиот регионален саем за вработување.
Запознајте ги Ultrasoft Systems
Од самиот почеток, го засновавме нашиот бизнис на пристап ориентиран кон корисникот, потпирајќи се на нашиот агилен тим кој преку своите компетенции и знаење за индустријата во која работиме, во комбинација со стратешка експертиза во давање на консултантски услуги постојано расте на пазарот.
Затоа инвестирање во унапредување на нашиот тим секогаш претставува јадро преку кое можеме да ги оствариме тие принципи. Фокусирајќи се нашата корпоративна култура и одржувајќи го тимскиот дух на највисоко ниво, како и преку нивно континуирано надоградување, успеваме до денес успешно да соработуваме со над 50 корисници на домашен и странски пазар, кои се потврда за нашиот квалитет и детерминираност.
Дел од нашето портфолио претставува алатката за автоматизација на дигитален маркетинг m4 со која успешно се претставуваме на пазарите на Швајцарија и Западна Европа, каде нашиот систем е користен од над 30 големи компании од различни индустрии.
Можноста да работиме за клиенти како што се MEB Group, Andermatt Ch, Porsche Group, Von Roll, EMI & Sohne Gmbh, Topix AG и многу други претставува предизвик, кој не прави да сме горди како компанија на она што најдобро знаеме да го работиме.
Ние сме тим од IT професионалци, обединети во нашата цел, стратегија и култура. Нашата мисија е преку моќта на технологијата и нашата експертиза да обезбедиме врвна услуга за нашите клиенти. Отворени сме за кандидати со или без искуство, кои имаат желба да работат на предизвикувачки домашни и интернационални проекти и да се развиваат во тим од искусни професионалци.
Како да станете дел од Ultrasoft Systems?
Доколку сакате да дознаете повеќе за условите за работа, активните огласи за вработување и можностите за кариера во компанијата, кликнете на овој линк и посетете го штандот на Ultrasoft Systems на најголемиот регионален онлајн саем за вработување кој ќе биде отворен од 13 до 20 октомври.
