Данска ги олесни КОВИД правилата за влез на македонските државјани. Со најновата одлука на данските авторитети, нашите државјани ќе можат да влезат во Данска, без ограничувања или валидни причини но, потребно е да приложат валиден ЕУ дигитален сертификат кој што вклучува потврда за вакцинација (одобрени од ЕМА)/потврда за закрепнување (не постара од 12 месеци) или негативен ПЦР тест, велат од Министерството за надворешни работи.
Според нив, со најновата одлука на италијанските власти, нашата земја се преместува од листа Д во листа Е, со што не е дозволено туристичко патување во Италија.
На нашите државјани им се дозволува влез исклучиво за: работни потреби; апсолутна итност; здравствени потреби; потреби за студирање; враќање во својот дом или живеалиште.
Враќање или влез во Италија, се дозволува за оние државјани кои имаат регулирано долгорочен престој во Италија и за нивните членови на семејството.
При влез или враќање во Италија од нашата држава задолжително е презентирање на: Пополнет онлајн формулар за локација (dPLF), негативниот резултат на молекуларен или антигенски тест покрај што сепак следува задолжителна самоизолација и здравствен надзор во период од десет дена. По десетте дена изолација, задолжително е да се изврши дополнителен молекуларен или антигенски тест, стои во соопштението на МНР.
