Aмериканскиoт гигант во месната индустрија компанијата „Тајсон“ најавија дека на вработените кои нема да се вакцинираат до 1 ноември, рокот што им е поставаен од менаџментот, ќе бидат отпуштени , но ќе можат да се вратат на работа доколку се предомислат и се вакцинираат.
Би сакал да им порачам на оние кои не се вакцинирани – ова е ваш избор и ние го почитуваме тој избор. Ако се предомислите и сакате повторно да се придружите на „Тајсон“ – известете не. Нашите врати се отворени - изјави претседателот и извршен директор Дони Кинг.
Компанија со седиште во Спрингдејл, Арканзас, која вработува 120.000 работници, на 3 август објави дека вакцинацијата е задолжителна и до кој рок работниците мора да ја примат вакцината доколку сакаат да ги задржат своите работни места. Тогаш беа вакцинирани околу 50 отсто од работниците во компанијата. По најавата на раководството, бројот на вакцинирани рапидно расте. Како што беше најавено, речиси двојно се зголеми. Сега, 96 отсто од 120.000 вработени се вакцинирани.
Во пролетта 2020 година, кога вирусот влезе во фабриките за пакување месо принуди привремено затворање на многу сали и производствени погони, бидејќи голем број работници се разболеле или морале да бидат ставени во карантин.
Обединетиот синдикат на прехранбени и трговски работници објави дека најмалку 132 негови членови починале од вирусот, а околу 22.400 биле заразени или изложени на вирусот.
„Тајсон“ останува единствената голема компанија во индустријата за пакување месо која бара вакцинација. Другите месни гиганти се потпираат на напорите да ги охрабрат работниците да се вакцинираат.
Синдикатот го пофали напредокот на „Тајсон“ во вакцинацијата, бидејќи со задолжителната вакцинација дојде и договор за сите вработени во компанијата да се обезбедат 20 часа платено боледување.
