Италија одлучи да ја намали вредноста за готовински плаќања од 2.000 на 1.000 евра.
Од 1 јануари во земјата повеќе нема да може да се плаќа во готово сума поголема од 1.000 евра. Сите суми поголеми од наведената ќе треба да се платат со картичка, чекови или преку сметка.
Кој ќе ја прекрши оваа одлука ќе биде казнет со најмалку 2.000 евра, а казната може да достигне и до 50.000 евра.
Оваа мерка треба да придонесе за сузбивање на сивата економија и даночното затајување. Владата на премиерот Марио Драги сака да ги поттикне електронските платежни системи во борбата против сивата економија, даночното затајување и перењето пари.
