Вистинска навалица за купување недвижен имот во Турција. Продажбата скокна за дури 50 отсто во ноември, а според турскиот институт за статистика, продадени се 178.814 домови. Главната причина за невообичаениот раст е падот на вредноста на лирата, која некои српски граѓани почнале да ја користат од гледна точка на недвижностите во Турција.
Луѓето едноставно сакаат да ги заштитат своите пари од падот на лирата, која неодамна се искачи на 21 процент во Турција. А, покрај домашното население, кон недвижности во Турција се повеќе се приклонуваат и странски граѓани и инвеститори, на кои падот на вредноста на тамошната национална валута им оди на рака, т.е. нивната куповна моќ пропорционално се зголемува со секое лизгање на вредноста на лирата.
Примерите покажуваат дека стан во центарот на Белград, според сајтот nekretnine.rs, од 40 квадрати чини 117.000 евра, т.е. 2.925 евра за метар квадратен. Во Турција моментално за помалку пари (108.000 евра, т.е. 900 евра по квадрат) може да се добире луксузен трособен, комплетно опремен, стан во нова зграда во европскиот дел на Истанбул, со површина од 120 квадратни метри. За 115.000 евра т.е. 1.000 евра за метар квадратен, во Аланија може да се купи наместен, дуплекс од 115 метри квадратни и кој се наоѓа на само 250 метри од плажата.
Кога ќе ги погледнеме цените на регионалните агенции за недвижности во Турција, ќе видиме дека за иста цена на гарсоњера или еднособен стан во Белград, таму може да се купат луксузни недвижнини, кои, во многу случаи се дел од комплекси со приватни базени, бањи, спортски терени и сл.
Така, за само неколку кликања најден е новоизграден стан во Аланија, со површина од 115 метри квадратни, кој се наоѓа во склоп на комплексот, по цена од 84.500 евра, т.е. околу 735 евра за метар квадратен. Станот е комплетно опремен, а во склоп на комплексот добивате пристап до внатрешен и надворешен базен, спа центар и турска бања. Неизбежно е да се истакне дека станот се наоѓа на 350 метри од море.
Се продава и полуксузен имот во Аланија, со површина од 220 квадратни метри на околу стотина метри од плажата. Овој стан кој е комплетно опремен се продава по цена од околу 640 евра за квадрат т.е. за 140.000 евра.
