Да, добро прочитавте дека точено пиво направено од грашок и кисела зелка се продава и пие во Исланд! Веќе можете да замислите каков вкус има!
Исланд станува многу актуелен благодарение на вкусот од ова пиво. Пивото е најновиот производ на богатата имагинација на Valgeir Valgeirsson, главниот производител на пиво во пиварницата RVK Brewing. Пивото е создадено од Valgeir Valgeirsson во партнерство со брендот за конзервација на зеленчук Ора, водечки производител на храна во земјата.
Патем, Valgeirson веќе се истакна во производството на пиво од необични состојки како што се алги или дури и сушена риба. Ова интересно и необично пиво се прави во мала пиварница во Рејкјавик, а пивото се вика „Ора јолабјор“ и содржи 5,2 отсто алкохол.
Brewing Brewery има годишен капацитет од само 50.000 литри, што е прилично скромно во обемот на пивото произведено од светските (пиварски) гиганти. За време на различните фази на подготовка на ова пиво, зелката и грашокот се мешаат со јачменов слад, хмељ и каранфилче.
Ова необично пиво направено од конзервиран грашок и кисела зелка брзо станува совршен спој за исландските божиќни прослави овие денови пред Божиќ.
„Изненаден сум од тоа колку беше добро и пријатно за конзумирање, во споредба со тоа кога гледате грашок и црвена зелка како се истураат во пиварница“, вели Хедин Унштајнсон, кој го почувствувал мирисот на зеленчукот во пивото.
„Очекував поизразен вкус на состојките“, вели Нилс Бјарки Финсен, кој го споредува со англиското „горчливо“ килибарно пиво.
Инаку, првата серија беше продадена на Интернет, а пивото беше распродадено за само шест часа од ставањето во онлајн продавницата. Пивото од грашок и кисела зелка во Исланд може да го купите по цена од три евра.
