Apple на некои од своите вработени им дава огромни бонуси како поттик да останат во компанијата и да не бегаат од конкурентите како што е Меtа, објави Business Insider.
Според анонимни извори, повеќето од изненадувачките бонуси се во акции и се проценети помеѓу 80.000 и 120.000 долари, а некои добиваат од 50.000 до 180.000 долари. Бонусите одат кај софтверските инженери, кои ги добиваат за период од четири години и се сметаат за поттик за вработените да останат во Apple, пишува Bloomberg.
Тие немаат никаква врска со типичниот паричен надоместок на вработените во компанијата.
Технолошките гиганти долго време се обидуваат да ги привлечат и задржат најпаметните таленти во Силиконската долина, а Meta, Google, Apple и други компании се борат со нокти и заби да ги задржат таквите вработени.
Изненадувачките бонуси на Apple се само еден пример за ова, особено што Apple и Meta продолжуваат да ги „заменуваат“ вработените. Меtа во последните месеци ангажираше околу 100 софтверски инженери на Apple, а Apple привлече луѓе на Меtа.
Војната стана уште посериозна поради тврдењата за иднината на мегаверзумот.
Меtа најави дека планира да инвестира околу 10 милијарди долари во „мета инвестиции“ само оваа година.
Влошувањето на имиџот на Facebook беше една од причините што ја принудија компанијата да ги зголеми платите што им ги нуди на новите вработени.
