Фармацевтската компанија Johnson&Johnson се соочува со обид на акционерите да гласаат за стопирање на продажбата на бебешка пудра базирана на талк ширум светот, вклучително и во Обединетото Кралство, поради загриженоста за наводниот канцероген ефект.
Jonhson & Johnson ја повлече својата пудра за бебиња базирана на талк од продажба во Соединетите држави и Канада во 2020 година. Продажбата на пудра за бебиња падна откако американските регулатори открија канцерогени влакна, пренесува Гардијан.
Компанијата сега се соочува со повеќе од 34.000 тужби, вклучувајќи и многу жени кои тврдат дека користеле пудра за бебиња, а подоцна се заразиле со рак на јајниците. Гласањето на акционерите беше предложено од инвестициската платформа Tulipshare со седиште во Лондон. Предлогот е доставен на разгледување до Комисијата за хартии од вредност на САД, а годишното собрание на акционери ќе се одржи во април.
Талкот, најмекиот минерал во природата, се ископува во неколку земји и се користи во различни индустрии, во производството на хартија, пластика и фармацевтски производи. Поради своите својства, талкот се користи за лекување на осип на пелена и други цели на лична хигиена.
Наслагите на талк, сепак, понекогаш може да се контаминираат со азбест, минерал кој може да предизвика рак ако неговите влакна влезат во телото. Jonhson & Johnson категорично негира дека нејзината пудра за бебиња е штетна и наведува дека производот е повлечен во Северна Америка по падот на продажбата, што е „охрабрено од дезинформациите за безбедноста на производот“.
извор: biznisinfo.mk
.jpg)
