Клиентите кои се надеваа дека ќе добијат нови возила по вообичаените цени по пандемијата на коронавирус, барем според извршниот директор на AutoNation, Мајк Менли, грешат.
За време на пандемијата и поради недостигот на автомобилски чипови и други проблеми во синџирот на снабдување, производителите и дилерите на автомобили можеа да продаваат возила по повисоки цени. Сепак, и покрај тоа што производството на автомобили треба да расте во втората половина од годината, Менли смета дека индустријата нема да се врати на стариот пат.
„Нема да се вратиме на претерано високите нивоа на залихи кои ги намалуваат маржите на новите возила. Значителните намалувања и високите стимулации исто така може да му наштетат на брендот, што е уште една причина нашата индустрија правилно да ја балансира понудата и побарувачката“, им рече Менли на инвеститорите.
Ford и General Motors имаат намера да го намалат производството дури и кога ќе исчезне проблемот околу автомобилските чипови. Тоа ќе биде нивен обид да ги намалат залихите на продажните места кои претходно поттикнуваа попусти. Ова ќе им овозможи на производителите на автомобили да одржуваат повисоки профитни маржи.
Истражувањето спроведено од „Едмундс“ во САД покажа дека 82,2 отсто од потрошувачите платиле повеќе од просечната цена за своето ново возило во јануари.
.jpg)
