Протеините на корона вирусот, заедно со екипажот, за прв пат ќе бидат испратени до Меѓународната вселенска станица на 18 март со вселенското летало Сојуз МС-21, како дел од експеримент, изјави за ТАСС Јузеф Кесуани од 3D Bioprinting Solutions.
„Тоа се серија експерименти. На 18 март планираме да го испратиме таканаречениот нуклеокапсид протеин на коронавирусот, ова ќе биде нашата прва пратка во серијата експерименти“, рече Кесуани.
Според него, првиот експеримент, во кој ќе се одгледуваат кристали на протеинот на вирусот ќе започне за околу осум дена. После тоа, примероците ќе бидат вратени на Земјата, каде што ќе се проучуваат 1-1,5 месеци. Друга пратка, рече Кесуани, е планирана за есенското лансирање.
Моментално се тестираат во лабораторијата на компанијата. „За една недела планираме да ги испратиме првите примероци во Бајконур за да бидат подготвени за летот“, додаде тој.
Кесуани нагласи дека – за експериментот да биде безбеден за членовите на екипажот – вирусот не оди цел во вселената, туку само негов дел.
„Сам по себе, тој [дел од вирусот] не може да влезе во телото на астронаутот, дури и ако се вдишува, што е исто така невозможно, бидејќи го испраќаме во специјална опрема “, додава Кесуани.
Претходно, во презентацијата на генералниот директор на Роскосмос, Дмитриј Рогозин, беше објавено дека истражувањето е планирано за 2022 година во рамките на развојот на антивирусни лекови. Шефот на државната корпорација објасни дека тоа се лекови против инфекција со коронавирус. Материјалите прецизираат дека големите протеини на коронавирус, вклучувајќи го и протеинот RBD одговорен за врзување на коронавирусот со човечките клетки, ќе се одгледуваат на Меѓународната вселенска станица со помош на 3Д биопечатачи.
Добиените примероци ќе се користат за дешифрирање на структурата на протеините и проучување на механизмите на влегување на вирусот во човечкото тело.
