Премиерот Димитар Ковачевски на својот Фејсбук профил им се обрати на граѓаните со повик: Штедењето и рационалното користење на енергенсите е она со кое сите ние заеднички ќе придонесеме за да го премостиме овој тежок период кој е пред нас.
На денешната владина седница, беше усвоен пакет од вкупно 26 мерки и препораки во вредност од 400 милиони евра за поддршка на граѓаните и стопанството во време на економска криза. -Вели Ковачевски во статусот
„Се наоѓаме во сериозна глобална економска криза. Влијанието врз нашите животи, врз нашиот стандард и економијата е се големи, заеднички, ќе ги пребродиме. Животниот стандард, квалитетот на живот на граѓаните се наш приоритет. Стратегијата која ја поставивме и која и е преточена сега во овие 26 мерки и препораки, е целосно насочена кон користење на сите ресурси во поддршка на граѓаните и стопанството во време на криза. Спречуваме сериозен ценовен шок, ги намалуваме цените на горивата, на основните прехранбени производи и на енергенсите„ вели премиерот во своето обраќање кое го завршува со повик за сериозно сфаќање на ситуација
„Повикувам и апелирам сите многу сериозно да ја разбереме и личната и колективната одговорност во ова кризно време, да се однесуваме исклучително одговорно и воедно да ги користиме расположливите ресурси одговорно и многу внимателно. Штедењето и рационалното користење на енергенсите е она со кое сите ние заеднички ќе придонесеме за да го премостиме овој тежок период кој е пред нас„.
