ЈП Водовод и канализација – Скопје информира дека заврши акцијата за исплата на заостанати сметки, без камата.
Според претпријатието, во текот на оваа акција се склучиле 554 договори со физички лица, во износ од 39.130.952 денари и 30 договори со правни лица во износ од 3.244.238 денари.
Акцијата за наплата на долговите на рати без камата за физички и правни лица беше со определен временски рок од 01.02.2022 до 15.03.2022 година. Во овој период корисниците кои имаа заостанат долг, имаа можност да го сервисираат истиот, без пресметка на камата за задоцнето плаќање. Во согласност со одлуката на Управниот одбор, претпријатието излезе во пресрет на барањата на корисниците и во таа насока, физичките лица имаа можност за склучување на договори до најмногу 48 рати, а правните субјекти до 24 рати, во зависност од висината на долгот, соопштија од „Водовод“.
извор: lokalno.mk
.jpg)
